أشادت الفنانة فيدرا بموهبة الفنانة ريهام عبد الغفور، وذلك بعد تألقها في مسلسل “حكاية نرجس” الذي يعرض ضمن دراما رمضان.
تطور طبيعي قائم على العمل الجاد
وكتبت فيدرا عبر حسابها الرسمي على فيسبوك: “بصراحة، نعمة كبيرة جدًا وإحساس حقيقى بالامتنان إن واحدة زى ريهام عبد الغفور تبقى نجمة، نجوميتها ما جاتش صدفة ولا من فراغ، دى جاية من سنين شغل وتعب ومحاولات وإصرار، هى بقت نجمة لأنها ممثلة شاطرة جدًا بجد، مش لأى سبب تاني”.
أساس متين بعيدًا عن المجاملات
وأضافت: “اللى ورا نجوميتها أسباب قوية ومتماسكة ومبنية على أساس حقيقى، مش على حاجة مزيفة، ولا مجاملة، ولا علاقات، ولا شغل PR، بالعكس، دى مبنية على موهبة صافية وشغل بجد”.
واختتمت كلامها: “موهبتها كبرت معاها واحدة واحدة، ونجوميتها كانت نتيجة طبيعية للتطور ده، شغل نظيف، صادق، وتعب حقيقى هو اللى وصلها لكده”.
التعليقات