علقت الفنانة مي كساب على الجدل الدائر حول صراع “الأعلى مشاهدة” بين نجوم الدراما في رمضان 2026، معتبرة أن روح المنافسة يجب أن تظل نقية وتخلو تماماً من أي مشاعر سلبية أو أمنيات بالضرر للآخرين.

ونشرت كساب عبر صفحتها الشخصية على فيسبوك: “عاوزة أقول حاجة قبل ما أنام، ورزقي على الله طبعاً، المنافسة حلوة، وبحب نفسي، وعاوزة أبقى أحسن واحدة في العالم، لكن من غير غل أو حقد أو تمني الشر والأذى للغير، وبغير طبعاً لكن غيرة شريفة 😂😂 مش زي شريفة ❤️”.

مي كساب تؤكد أن الفن رسالة سامية تهدف لإسعاد الجمهور

وأضافت الفنانة في منشورها: “لو شفت حاجة حلوة لازم أقول برافو وأفرح لغيري، خصوصاً لو كان الشخص موهوباً وشقيان طول عمره عشان يوصل للقمة، وبقدر جداً اللي بيقدرني، وبفرح جداً للي بيفرحلي، في الآخر كلنا بنتعب وبنشقى عشان نفرح الجمهور ونبسطهم، مبروك لكل زمايلي اللي بحبهم من قلبي على شغلهم، ودايماً ربنا يكرمنا ونعمل فن راقي فيه متعة للجمهور، ونبقى دايماً لسان الشعب وحالهم ❤️❤️”.