أعلنت الناشطة على مواقع التواصل الاجتماعي ومشجعة القلعة الحمراء رنا أحمد، عن زواجها السري من حارس مرمى النادي الأهلي محمد الشناوي.

زواج محمد الشناوي

ونشرت رنا أحمد عبر خاصية الاستوري على حسابها في إنستجرام: “أنا سكت فترة طويلة احترامًا لنفسي لكن كفاية لحد كده، مع إني كنت بشوف كومنتات سلبية وناس بتهاجمني، قررت أتكلم وأوضح الحقيقة اللي حصلت بيني وبين محمد الشناوي، ما كانش مجرد تعارف أو كلام عادي، الموضوع وصل لارتباط وجواز بشكل سري، وعمر صاحبه كان شاهدًا على كل حاجة وشاهد على جوازنا وشاهد عليا وسامعني”.

وتابعت: “أنا وافقت على الكلام ده لأني صدقته لما قاللي وأكدلي إنه بعد فترة من جوازنا هيعلن عني، بعد فترة الأمور اتغيرت وبدأ يحصل ضغط عليا علشان أفضل ساكتة وما أتكلمش، ولما قلت إني ممكن أكشف الحقيقة تم تهديدي إنهم هيرفعوا عليا قضية تشهير، وبعد ما شافوا إني مصممة على قراري بعت ليا شخص اسمه كريم رزق مدير السوشيال ميديا السابق في النادي الأهلي وصاحبه عمومًا، وعرض عليا فلوس مقابل إني أسكت وما أتكلمش”.

وأكملت: “أنا محتفظة بكل الرسائل والفيديوهات من إنستجرام وواتساب اللي تثبت كلامي ده وهتنزلها كلها، وأنا ما بقولش الكلام ده علشان أعمل مشاكل أو ألفت الانتباه، لكن علشان أوضح الحقيقة وأدافع عن نفسي بعد كل اللي حصل، ولو اضطر الأمر هعرض كل الأدلة بالطريق القانوني علشان حقي يظهر قدام الناس”.

واختتمت: “وأنا كلمت المحامي بتاعي وهنرفع قضية والإجراءات بتتم وهاخد كل حقوقي، وأنا عندي استعداد أفضح وأنزل كل حاجة تخصه، وساخته بس من ستر ستر عبدًا ستره الله يوم القيامة وأنا هكتفي بالاستوري دي”.

أزمة حراسة المرمى في الأهلي

شهدت أزمة حراسة المرمى في الأهلي خلافات حادة في الوسط الرياضي بين مؤيد للتدوير ومعارض لفكرة إبعاد مصطفى شوبير عن مركز الحارس الأساسي، وبدأت الأزمة تتفاقم بشكل كبير بالنادي الأهلي في ظل عدم قدرة ييس توروب المدير الفني للفريق على اتخاذ قرار نهائي بشأن الحارس الأساسي، ووسط تألق مصطفى شوبير وتراجع مستوى محمد الشناوي بدأت الأصوات تتزايد بضرورة إجراء إحلال وتغيير في مركز حراسة مرمى الأهلي.

لعب مصطفى شوبير مع الأهلي في مختلف البطولات 12 مباراة خلال الموسم الحالي وخرج بـ 6 كلين شيت واستقبل 8 أهداف، وفي بطولة الدوري لعب شوبير 5 مباريات استقبل فيها 6 أهداف وخرج بكلين شيت وحيد.

وخاض الأهلي حتى الآن 20 مباراة في الدوري، واستقبلت شباكه 19 هدفًا، وشارك محمد الشناوي في 15 مباراة، واستقبلت شباكه 13 هدفًا من أصل 19 هدفًا دخلت مرمى الأهلي هذا الموسم، وبالتالي فإن نسبة استقبال الشناوي للأهداف داخل الأهلي وصلت حاليًا لنحو 65٪ وفقًا لعدد الأهداف التي استقبلها من مجمل أهداف الأحمر.