شارك الفنان تامر حسني جمهوره مقطع فيديو عبر حسابه الشخصي على فيسبوك، يظهر فيه وهو يرقص مع سفير فرنسا في مصر خلال أحد الحفلات المدرسية.

وكتب تامر حسني معلقًا على الفيديو: “الراجل الجميل الوسيم ده طلع سلم عليا على المسرح في حفل مدرسة، روحت حضنته ورقصته دبكة شامي وهو تجاوب معايا عادي، وبعد ما مشيت عرفت إنه سفير فرنسا في مصر، قلت إيه اللي أنا عملته ده، إزاي مرحبتش بيه قدام الناس.”

وتابع: “علشان كده عايز أشكره على حضوره وصعوده معايا على المسرح، وأقوله قد إيه أنت راجل جميل وفرفوش ونورت الحفلة سعادة السفير الفرنسي العزيز.”

تامر حسني يدعم اقتراحًا لإنقاذ السينمات

في سياق آخر، أيد الفنان تامر حسني مقترح المنتج كريم السبكي لإنقاذ دور العرض السينمائي في ظل قرار الغلق المبكر، حيث كتب عبر صفحته على فيسبوك: “اقتراحي إذا أمكن فا يتطبق على كل الجهات، كلام البوست اللي كتبه زميلي المنتج كريم السبكي ده من وجهة نظري اقتراح صحيح للسينمات أعتقد وزارتنا المبجلة ممكن تدرسه وأكيد هيعملوا الصح لأن برضو الصح عمره ما هيكون من وجهة نظرنا إحنا بس أكيد في حاجات تانية ممكن منكنش على دراية بيها وهي لمصلحة البلد، ولكن لو الاقتراح ده اتنسق مع أهداف الدولة أتمنى تحقيقه.”

وأضاف: “واقتراحي الشخصي إن القرار ممكن يتطبق على أماكن كتير مش بس السينمات أو أماكن تختار يقفلوا الصبح وأماكن تختار يقفلوا بالليل، وكل ده بالتنسيق مع الجهات اللي شايفة شغلها وأكل عيشها أكتر بالنهار ولا بالليل وبكده كله هيتراضى، وبرضو ده من وجهة نظرنا المحدودة، وأي قرار أكبر مننا بتاخده الدولة لازم نحترمه ونتأكد مليون في المية إنه لمصلحتنا حتى لو استحملنا شوية، كل الشكر والتقدير والاحترام لوزاراتنا المصرية العظيمة.”